ભરુચ નજીક નબીપુર ઝનોર માર્ગ પર એક્ટિવા-બાઈક સામસામે ટકરાયા: ત્રણના મોત, એક ગંભીર

ભરુચ તાલુકાના નબીપુર ઝનોર માર્ગ પર આજે એક ગમખ્વાર માર્ગ અકસ્માત સર્જાયો હતો. પ્રાપ્ત માહિતી અનુસાર, એક એક્ટિવા અને આરવન બાઈક વચ્ચે સામસામે જોરદાર ટક્કર થતાં અકસ્માત સર્જાયો હતો.

આ ભયાનક અકસ્માતમાં ત્રણ લોકોએ ઘટનાસ્થળે જ દમ તોડી દીધો હતો. મૃતકોમાં બે પુરુષ અને એક મહિલાનો સમાવેશ થાય છે. અકસ્માત એટલો ગંભીર હતો કે મૃતદેહો ચિથરાવિથરા થઈ ગયા હતા.

અકસ્માતમાં અન્ય એક વ્યક્તિ ગંભીર રીતે ઘાયલ થઈ હતી, જેને તાત્કાલિક સારવાર માટે નજીકની હોસ્પિટલમાં ખસેડવામાં આવી છે. ઘટનાની જાણ થતાં સ્થાનિક લોકોના ટોળા ઘટનાસ્થળે એકત્ર થઈ ગયા હતા અને મદદકાર્યમાં જોડાવા પ્રયાસ કર્યો હતો.