ઈડર: અરોમા સ્પા સંચાલક સામે જાહેરનામા ભંગ બદલ પોલીસ ફરિયાદ..

સાબરકાંઠાના-:
ઈડર શહેરમાં કાયદો અને વ્યવસ્થા જાળવવા માટે પોલીસ દ્વારા જાહેરનામા બહાર પાડવામાં આવે છે.આવા જાહેરનામાનો ભંગ કરનાર સામે કાયદેસરની કાર્યવાહી કરવામાં આવે છે.તાજેતરમાં ઈડર બસ સ્ટેન્ડ સામે આવેલ અરોમા સ્પાના સંચાલક દ્વારા જાહેરનામાનો ભંગ કરવામાં આવ્યો હોવાની ફરિયાદ પોલીસ ચોપડે નોંધાઈ છે.પ્રાપ્ત માહિતી અનુસાર અરોમા સ્પાના સંચાલક દ્વારા નિયમોનો ભંગ કરીને ગેરકાયદે પ્રવૃત્તિઓ ચલાવવામાં આવતી હોવાની શંકા છે..

આ અંગે સ્થાનિક પોલીસને જાણ થતાં,પોલીસે તાત્કાલિક ધોરણે તપાસ હાથ ધરી હતી.તપાસ દરમિયાન સ્પા સંચાલક દ્વારા જાહેરનામાનો ભંગ થયો હોવાનું જણાયું હતું.આ બનાવને પગલે ઈડર પોલીસે અરોમા સ્પાના સંચાલક વિરુદ્ધ જાહેરનામા ભંગ બદલ ગુનો નોંધી કાયદેસરની કાર્યવાહી હાથ ધરી છે.પોલીસ વધુ તપાસ કરી રહી છે અને આ મામલે અન્ય કોઈ કાયદાકીય જોગવાઈઓનો ભંગ થયો છે કે કેમ તે અંગે પણ તપાસ કરવામાં આવશે.