હિંમતનગર: નવરાત્રી મહોત્સવ આયોજકો સાથે પોલીસની શાંતિ સમિતિની બેઠક યોજાઈ, સલામતી-ટ્રાફિક વ્યવસ્થા પર ભાર..

સાબરકાંઠાના-:
હિંમતનગર ખાતે આગામી નવરાત્રી મહોત્સવની તૈયારીઓના ભાગરૂપે સાબરકાંઠા જિલ્લા પોલીસ અધિક્ષક દ્વારા એક મહત્વપૂર્ણ શાંતિ સમિતિની બેઠકનું આયોજન કરવામાં આવ્યું હતું.આ બેઠકમાં શહેરના વિવિધ નવરાત્રી મહોત્સવના આયોજકો ઉપસ્થિત રહ્યા હતા.બેઠકનો મુખ્ય ઉદ્દેશ્ય નવરાત્રી દરમિયાન કાયદો અને વ્યવસ્થાની સ્થિતિ જાળવી રાખવાનો હતો. પોલીસ અધિક્ષકે આયોજકોને ઉત્સવ સ્થળો પર પૂરતી સલામતી વ્યવસ્થા ગોઠવવા, ભીડ નિયંત્રણ માટે પગલાં લેવા અને કોઈપણ અનિચ્છનીય ઘટના ન બને તે માટે સતર્ક રહેવા જણાવ્યું હતું..

આ ઉપરાંત ટ્રાફિક વ્યવસ્થાને સરળ બનાવવા અને વાહન પાર્કિંગની યોગ્ય સુવિધા ઊભી કરવા અંગે પણ સૂચનો આપવામાં આવ્યા હતા.પોલીસ દ્વારા આયોજકોને ઉત્સવ દરમિયાન જરૂરી પરવાનગીઓ મેળવવા અને જાહેરનામાનો ચુસ્તપણે પાલન કરવા અંગે પણ માર્ગદર્શન આપવામાં આવ્યું.આયોજકોને કોઈપણ પ્રકારની સમસ્યા કે મદદ માટે પોલીસનો સંપર્ક કરવા માટે પ્રોત્સાહિત કરવામાં આવ્યા હતા.આ બેઠકથી નવરાત્રી મહોત્સવ શાંતિપૂર્ણ અને સુરક્ષિત રીતે સંપન્ન થાય તે સુનિશ્ચિત કરવાનો પ્રયાસ કરવામાં આવ્યો.