સુરત નવી સિવિલ હોસ્પિટલમાં ૧૪૬ સ્ટાફ નર્સની ભરતી માટે આઉટસોર્સિંગને મંજૂરી

સુરત નવી સિવિલ હોસ્પિટલમાં દર્દીઓની સેવા-શુશ્રૂષા વધુ ગુણવત્તાસભર અને ઝડપી બનાવવાના હેતુથી રાજ્ય સરકારે એક મહત્વપૂર્ણ નિર્ણય લીધો છે. ગાંધીનગર ખાતે આરોગ્ય મંત્રી પ્રફુલ પાનશેરિયાની અધ્યક્ષતામાં મળેલી ઉચ્ચ સ્તરીય બેઠકમાં આ નિર્ણય લેવામાં આવ્યો છે.

આ નિર્ણય મુજબ, સુરત નવી સિવિલ હોસ્પિટલમાં સ્ટાફ નર્સ (વર્ગ-૩)ની ખાલી પડેલી ૧૪૬ જગ્યાઓ પર માન્ય એજન્સી મારફતે આઉટસોર્સિંગથી તાત્કાલિક ભરતી કરવાની મંજૂરી આપવામાં આવી છે. આ ભરતી પ્રક્રિયા ઝડપથી હાથ ધરવામાં આવશે.

આ મંજૂરી મળવાથી હોસ્પિટલમાં દાખલ દર્દીઓની રાઉન્ડ ધ ક્લોક સંભાળ અને ક્રિટિકલ કેર સિસ્ટમ વધુ મજબૂત બનશે. આ પગલાંથી દર્દીઓને વધુ સારી આરોગ્ય સેવાઓ મળી રહેશે તેવી અપેક્ષા છે.