હિંમતનગર ખાતે સેવા સંકલ્પ અભિયાન અંતર્ગત રંગોળી સ્પર્ધા યોજાઈ..

સાબરકાંઠામાં-:
સેવા સંકલ્પ અભિયાનના ભાગરૂપે સાબરકાંઠા જિલ્લા કક્ષાની રંગોળી સ્પર્ધાનું આયોજન હિંમતનગરની આઈ.ટી.આઈ.ખાતે કરવામાં આવ્યું હતું.આ સ્પર્ધામાં મોટી સંખ્યામાં વિદ્યાર્થીઓએ ભાગ લીધો હતો.વિદ્યાર્થીઓએ વિવિધ રંગો અને પોતાની સર્જનાત્મકતાનો ઉપયોગ કરીને સેવા, સંકલ્પ અને રાષ્ટ્રભાવના જેવા વિષયોને પોતાની રંગોળી દ્વારા સુંદર રીતે અભિવ્યક્ત કર્યા હતા..

આ સ્પર્ધાનો મુખ્ય ઉદ્દેશ્ય વિદ્યાર્થીઓમાં રાષ્ટ્રીય ભાવના અને સામાજિક સેવા પ્રત્યે જાગૃતિ લાવવાનો હતો.આ સ્પર્ધાના માધ્યમથી યુવા પેઢીને દેશ પ્રત્યેની ફરજ અને સેવાના મહત્વ વિશે શીખવા મળ્યું.આયોજકોએ વિદ્યાર્થીઓની કલાત્મકતા અને દેશભક્તિની ભાવનાને બિરદાવી હતી.