ସୁନ୍ଦରଗଡ଼ ୱାଟରସେଡ୍ ପିଡି ପ୍ରସନ୍ନ ପାତ୍ରଙ୍କ ଘରେ ଭିଜିଲାନ୍ସ ଚଢ଼ାଉ, ମିଳିଲା ବିପୁଳ ସମ୍ପତ୍ତିର ସୂଚନା

ସୁନ୍ଦରଗଡ଼ ୱାଟରସେଡ୍ ପ୍ରକଳ୍ପ ନିର୍ଦ୍ଦେଶକ (ପିଡି) ପ୍ରସନ୍ନ କୁମାର ପାତ୍ରଙ୍କ ଘରେ ଭିଜିଲାନ୍ସ ବିଭାଗ ପକ୍ଷରୁ ଚଢ଼ାଉ କରାଯାଇଛି। ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଏହି ଚଢ଼ାଉ କରାଯାଇଥିବା ସୂଚନା ମିଳିଛି। ଭିଜିଲାନ୍ସ ଟିମ୍ ଘର ତନାଘନା କରିବା ସହ ବିଭିନ୍ନ କାଗଜପତ୍ର ଯାଞ୍ଚ କରୁଛି।

ପ୍ରାଥମିକ ତଦନ୍ତରୁ ପ୍ରସନ୍ନ ପାତ୍ରଙ୍କ ନାଁରେ ୧୪ ଲକ୍ଷରୁ ଅଧିକ ଟଙ୍କାର ମ୍ୟୁଚୁଆଲ ଫଣ୍ଡ ନିବେଶ ଥିବା ଜଣାପଡ଼ିଛି। ଏହା ବ୍ୟତୀତ ତାଙ୍କ ବାପାଙ୍କ ନାଁରେ ମଧ୍ୟ ବ୍ୟାପକ ସମ୍ପତ୍ତି ଥିବା ନେଇ ସୂଚନା ମିଳିଛି। ଭିଜିଲାନ୍ସ ଟିମ୍ ଏହି ସମ୍ପତ୍ତିର ଉତ୍ସ ଓ ମାଲିକାନା ସମ୍ପର୍କରେ ତଦନ୍ତ କରୁଛି।

ଏହି ଚଢ଼ାଉ ପରେ ସରକାରୀ ଅଧିକାରୀଙ୍କ ମଧ୍ୟରେ ଚଞ୍ଚଳତା ଦେଖାଦେଇଛି। ଭିଜିଲାନ୍ସ ପକ୍ଷରୁ ଘଟଣାର ଅଧିକ ତଦନ୍ତ ଜାରି ରହିଛି ଏବଂ ଆଗକୁ ଏହି ଘଟଣାରେ ଅଧିକ ତଥ୍ୟ ସାମ୍ନାକୁ ଆସିବ ବୋଲି ଆଶା କରାଯାଉଛି।