નિકોલમાં કેક પર લખાણ બાબતે ગ્રાહક અને દુકાનદાર વચ્ચે ઝઘડો, દુકાનદાર પર હુમલો

નિકોલ વિસ્તારમાં એક બેકરીમાં કેક બનાવવાનો ઓર્ડર આપવામાં આવ્યો હતો. ગ્રાહકે કેકની ઉપર લાલ અક્ષરોમાં નામ લખાવવા જણાવ્યું હતું, પરંતુ દુકાનદારે ભૂલથી સફેદ અક્ષરોમાં નામ લખ્યું હતું. આ બાબતે ગ્રાહક અને દુકાનદાર વચ્ચે ઉગ્ર બોલાચાલી શરૂ થઈ હતી.

બોલાચાલી ઉગ્ર બનતાં ગ્રાહક સહિતના લોકોનું ટોળું એકત્ર થયું હતું. આ ટોળાએ દુકાનદાર પર હુમલો કર્યો હતો અને માર માર્યો હતો. આ ઘટનાના પગલે સમગ્ર વિસ્તારમાં ચકચાર મચી જવા પામી હતી.

આ અંગે બેકરીના દુકાનદાર યુવકે નિકોલ પોલીસ સ્ટેશનમાં અજાણ્યા શખ્સો સામે માર માર્યાની અરજી નોંધાવી છે. પોલીસે સીસીટીવી ફૂટેજના આધારે આરોપીઓની શોધખોળ હાથ ધરી છે અને કાયદેસરની કાર્યવાહી શરૂ કરી છે.