શિહોરી સર્કિટ હાઉસ પાસે ગંદકીના ઢગલા: તંત્રની બેદરકારી સામે સવાલો

બનાસકાંઠા જિલ્લાના શિહોરી ખાતે સર્કિટ હાઉસ પાસે ગંદકીના મોટા ઢગલા એકઠા થયા છે. આ દ્રશ્ય શહેરીજનો માટે ચિંતાનો વિષય બન્યો છે. સર્કિટ હાઉસ જેવા મહત્વના સ્થળની નજીક આટલી ગંદકી હોવી એ તંત્રની બેદરકારી દર્શાવે છે.

સ્થાનિક લોકોનો આક્ષેપ છે કે શિહોરી રોડ પર આવેલી આ ગંદકીના ઢગલા અંગે સંબંધિત અધિકારીઓ જાણતા હોવા છતાં કોઈ પગલાં ભરવામાં આવતા નથી. આ ગંદકીને કારણે દુર્ગંધ ફેલાય છે અને આરોગ્ય માટે જોખમી પરિસ્થિતિ ઊભી થઈ શકે છે.

આ ગંદકીના નિકાલ માટે તાત્કાલિક ધોરણે પગલાં લેવાય તેવી માંગ સ્થાનિકો દ્વારા કરવામાં આવી રહી છે. જો આ સમસ્યાનું નિરાકરણ નહીં આવે તો આગામી સમયમાં આંદોલનની ચીમકી પણ ઉચ્ચારવામાં આવી છે.