માંગરોળમાં 'હર ઘર રક્તદાતા' થીમ સાથે બાઇક રેલીનું ભવ્ય સ્વાગત

રક્તદાન ક્ષેત્રે જાગૃતિ લાવવાના ઉમદા હેતુ સાથે 'રક્ત સેવક બાઈક રેલી ગુજરાત ૨૦૨૬' અંતર્ગત ફેડરેશન ઓફ ગુજરાત બ્લડ બેંકના પ્રમુખ ડો. મનીષ વિદજા પોતાની ટીમ સાથે 'હર ઘર રક્તદાતા' થીમ સાથે માંગરોળ મુકામે પધાર્યા હતા. આ પ્રસંગે માંગરોળની જનતા, રક્તદાતાઓ અને વિવિધ સંગઠનો દ્વારા બાઇક રેલીનું સ્નેહપૂર્ણ સ્વાગત કરવામાં આવ્યું હતું.

રેલી માંગરોળના મુખ્ય માર્ગો પર ફરી હતી અને લોકોમાં રક્તદાન પ્રત્યે જાગૃતિ ફેલાવી હતી. ત્યારબાદ રેલી કેશોદ જવા માટે વિદાય થઈ હતી. આ યાત્રાનો ઉદ્દેશ્ય રાજ્યભરમાં રક્તદાનના મહત્વ વિશે લોકોને માહિતગાર કરવાનો છે.

આ યાત્રા કુલ પાંચ હજાર કિલોમીટરનો પ્રવાસ કરશે અને ગુજરાતના ૩૪ જિલ્લાઓને આવરી લેશે. આ બાઇક રેલીની શુભ શરૂઆત પહેલી ઓક્ટોબરના રોજ થઈ ચૂકી છે અને તેનું સમાપન એકત્રીસ ઓક્ટોબરના રોજ થશે.