સુરતમાં નવરાત્રી અને દિવાળી માટે રોશની અને સુરક્ષા વ્યવસ્થાનું વિશેષ આયોજન

આગામી નવરાત્રી અને દિવાળીના તહેવારોને ધ્યાનમાં રાખીને સુરત મહાનગરપાલિકાના લાઈટ અને ફાયર વિભાગ દ્વારા સમગ્ર શહેરમાં રોશની તેમજ સલામતી વ્યવસ્થા સુદ્રઢ બનાવવા માટે વિશેષ આયોજન હાથ ધરવામાં આવ્યું છે.

ખાસ કરીને નવરાત્રી દરમિયાન રાત્રિના સમયે ગરબે ઘૂમવા નીકળતી મહિલાઓ અને ખેલૈયાઓની સુરક્ષાને પ્રાથમિકતા આપવા માટે લાઈટ અને ફાયર કમિટીના ચેરમેન સોનુબેન આંબલીયાની અધ્યક્ષતામાં એક મહત્વપૂર્ણ બેઠક યોજાઈ હતી.

આ બેઠકમાં અધિકારીઓ સાથે ચર્ચા કરીને શહેરભરમાં લાઈટોની મરામત અને સુરક્ષા વ્યવસ્થાને લગતી કડક સૂચનાઓ જારી કરવામાં આવી હતી. આ આયોજનનો મુખ્ય ઉદ્દેશ્ય તહેવારો દરમિયાન નાગરિકોને સુરક્ષિત અને આનંદમય વાતાવરણ પૂરું પાડવાનો છે.