ગુજરાતના મહેસૂલી કર્મચારીઓ અચોક્કસ મુદતની હડતાળ પર, પડતર પ્રશ્નોના ઉકેલની માંગ

ગુજરાત રાજ્ય મહેસૂલી કર્મચારી મહામંડળ દ્વારા પોતાના પડતર પ્રશ્નો અને સેવા વિષયક માંગણીઓના યોગ્ય ઉકેલ માટે આંદોલનના મંડાણ કરવામાં આવ્યા છે. માસ સી.એલ.ના વિરોધ પ્રદર્શન બાદ પણ સરકાર તરફથી કોઈ સકારાત્મક પ્રતિસાદ ન મળતા ગઈકાલ (7 ઓક્ટોબર) થી સમગ્ર રાજ્યના રેવન્યુ કર્મચારીઓ અચોક્કસ મુદતની હડતાળ પર ઉતરી ગયા છે.

આ હડતાળના બીજા દિવસે પણ કર્મચારીઓ દ્વારા પોતાનો વિરોધ નોંધાવવામાં આવી રહ્યો છે. કર્મચારીઓની માંગણીઓનો તાત્કાલિક ઉકેલ લાવવામાં આવે તેવી અપેક્ષા રાખવામાં આવી રહી છે.

આંદોલનના કારણે મહેસૂલી કામગીરી પર અસર પડી શકે છે. સરકાર અને કર્મચારી મંડળ વચ્ચે વાટાઘાટો દ્વારા આ મુદ્દો ઉકેલાય તેવી આશા છે.