குடியாத்தத்தில் நகராட்சி மற்றும் ரோட்டரி சங்கம் இணைந்து மரம் நடும் பணியைத் துவக்கி வைத்தனர்

குடியாத்தம் நகராட்சிக்குட்பட்ட கவுண்டன்ய மகாநதி ஆற்றங்கரையோரம், நகராட்சி தூய்மைப்படுத்தும் இயந்திரங்களைக் கொண்டு மண் சமன் செய்யப்பட்டு, தூய்மைப்படுத்தும் பணிகள் ஒரு மாதமாக நடைபெற்று வந்தன. இந்த பணிகளைத் தொடர்ந்து, இன்று காலை 10:00 மணியளவில் மரம் நடும் பணியைத் தொடங்குவதற்கான தொடக்க விழா நடைபெற்றது.

குடியாத்தம் நகர் மன்ற தலைவர் S.சௌந்தர்ராசன் அவர்களின் ஆணைக்கிணங்க, நகராட்சி ஆணையாளர் திருமதி.தனலட்சுமி அவர்களின் முன்னிலையில் இந்த நிகழ்ச்சி ஏற்பாடு செய்யப்பட்டது. குடியாத்தம் நகராட்சி மற்றும் குடியாத்தம் ரோட்டரி சங்கம் இணைந்து இந்த மரம் நடும் பணியைத் துவக்கி வைத்தன.

இந்நிகழ்ச்சியில், குடியாத்தம் சட்டமன்ற உறுப்பினர் திருமதி க.சிந்து அழகப்பன், நகர் மன்ற தலைவர் மற்றும் நகர திமுக கழக செயலாளர் S.சௌந்தர்ராசன், நகராட்சி ஆணையாளர் திருமதி. தனலட்சுமி, ரோட்டரி சங்க நிர்வாகிகள், நகர் மன்ற உறுப்பினர்கள் மற்றும் அப்பகுதி பொதுமக்கள் கலந்து கொண்டனர்.