ବ୍ୟାସନଗର କଲେଜରେ ବୋମାମାଡ଼

ଯାଜପୁର ଜିଲ୍ଲା ବ୍ୟାସନଗର ସ୍ୱୟଂଶାସିତ ମହାବିଦ୍ୟାଳୟରେ ବୋମାମାଡ଼ । ଛାତ୍ରାବାସ ଓ ପ୍ରିନ୍ସପାଲଙ୍କ ଚାମ୍ବରରେ ବିଳମ୍ବିତ ରାତିରେ ବୋମାମାଡ଼ ହୋଇଛି । କିଏ ବୋମାମାଡ଼ କରିଛି ତାହା ଅସ୍ପଷ୍ଟ ରହିଛି । ଖବର ପାଇ ଘଟଣା ସ୍ଥଳରେ ଯାଜପୁର ରୋଡ୍ ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ଗତକାଲି କଲେଜ ନିର୍ବାଚନ ପାଇଁ ବିଜ୍ଞପ୍ତି ପ୍ରକାଶ ପାଇଛି । ନିର୍ବାଚନ ପୂର୍ବରୁ ଗତକାଲି ବିଳମ୍ବିତ ରାତିରେ ବମ୍ ଫୁଟିବା ପରେ କଲେଜ ପରିସରରେ ଏକ ଭୟର ବାତାବରଣ ସୃଷ୍ଟି ହୋଇଛି l ସାଇଁଟିଫିକ ଟିମ ପହଞ୍ଚିବାପରେ ଅଧିକ ତଦନ୍ତ କରାଯିବ ବୋଲି ସୂଚନା ମିଳିଛି l
କିଏ ଓ କାହିଁକି ବମ୍ ଫୁଟାଇଛି ତାହା ତଦନ୍ତ ପରେ ଜଣା ପଡିବ l ନିର୍ବାଚନ ପୂର୍ବରୁ ବିଳମ୍ବିତ ରାତିରେ ଏଭଳି ହେବା ଫଳରେ ଭୟଭୀତ ଅଛନ୍ତି କଲେଜ କତୃପକ୍ଷ ଓ ଛାତ୍ର ଛାତ୍ରୀ l