પલસાણા તાલુકામાં ૭૭મો વન મહોત્સવ યોજાયો, 'ગ્રીન ગુજરાત, ક્લીન ગુજરાત'નો સંદેશ અપાયો

પલસાણા તાલુકા કક્ષાનો ૭૭મો વન મહોત્સવ ગુરુવારે બગુમરા ખાતે આવેલ રેવા સાંસ્કૃતિક ભવનમાં 'સેવા સંકલ્પ અભિયાન'ના ભાગરૂપે યોજાયો હતો. આ કાર્યક્રમમાં રાજ્યના પૂર્વ કેબિનેટ મંત્રી ઈશ્વરભાઈ પરમારે મુખ્ય અતિથિ તરીકે હાજરી આપી કાર્યક્રમની અધ્યક્ષતા કરી હતી.

આ પ્રસંગે સૌને 'ગ્રીન ગુજરાત, ક્લીન ગુજરાત'ના સંદેશ સાથે વૃક્ષો વાવવા અને પર્યાવરણની સુરક્ષા માટે પ્રેરણા આપવામાં આવી હતી. વન મહોત્સવની ઉજવણી દ્વારા પર્યાવરણ પ્રત્યે જાગૃતિ ફેલાવવાનો મુખ્ય ઉદ્દેશ્ય હતો.

કાર્યક્રમમાં સ્થાનિક આગેવાનો અને નાગરિકો મોટી સંખ્યામાં ઉપસ્થિત રહ્યા હતા. સૌએ સાથે મળીને પર્યાવરણના સંરક્ષણ માટે પ્રતિબદ્ધતા વ્યક્ત કરી હતી.