🔥 ट्रेंडिंग डैविड बेकेम ने प्रशंसा की मध्य प्रदेश... एमडी सलीम ने मांता बनर्जी के टीएमसी वा... JEE मेन 2027 सत्र‑1 की पंजीकरण आज ही स... पश्चिम बंगाल के सीएम ने चक्रवात‑बारिश... सतना के पतोड़ा गांव में पारिवारिक रंजि... గ్రామాభివృద్ధికి కొత్త ఆలోచనలతో శెట్టి...
22 नव. 2026•
ગુજરાતી मराठी ਪੰਜਾਬੀ বাংলা
ପିଲାଙ୍କୁ 'ଅଳସୁଆ' କିମ୍ବା 'ଜିଦିଆ' କହିବେନି ଶିକ୍ଷକ: ଛାତ୍ରଛାତ୍ରୀଙ୍କ ମାନସିକ ଅବସାଦ ଦୂର ପାଇଁ ସରକାରଙ୍କ ବଡ଼ ଏସଓପି
शिक्षा

ପିଲାଙ୍କୁ 'ଅଳସୁଆ' କିମ୍ବା 'ଜିଦିଆ' କହିବେନି ଶିକ୍ଷକ: ଛାତ୍ରଛାତ୍ରୀଙ୍କ ମାନସିକ ଅବସାଦ ଦୂର ପାଇଁ ସରକାରଙ୍କ ବଡ଼ ଏସଓପି

✍️ रिपोर्टर: Deepak Mahapatra 🗓 07 अक्टू. 2026, 01:01 PM 👁 103
यहाँ देखें: ▶️ YouTube
शेयर करें: 💬 WhatsApp 📘 Facebook 𝕏 Post
ଭୁବନେଶ୍ୱର: ରାଜ୍ୟରେ ଛାତ୍ରଛାତ୍ରୀଙ୍କ ବଢ଼ୁଥିବା ମାନସିକ ଚାପ ଏବଂ ଅବସାଦକୁ ଦୃଷ୍ଟିରେ ରଖି ରାଜ୍ୟ ସରକାର ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଗ୍ରହଣ କରିଛନ୍ତି। ଅଙ୍ଗନବାଡ଼ିଠାରୁ ଆରମ୍ଭ କରି ସ୍କୁଲ ଏବଂ ବିଶ୍ୱବିଦ୍ୟାଳୟ ପର୍ଯ୍ୟନ୍ତ ସମସ୍ତ ଶିକ୍ଷାନୁଷ୍ଠାନର ପିଲାଙ୍କ ମାନସିକ ସୁସ୍ଥତା ସୁନିଶ୍ଚିତ କରିବା ପାଇଁ ସରକାର ଏକ କଡ଼ା ଏସଓପି (SOP) ଜାରି କରିଛନ୍ତି। ଏହି ନୂତନ ନିୟମ ଅନୁଯାୟୀ, ଶିକ୍ଷକ କିମ୍ବା କର୍ମଚାରୀମାନେ ପିଲାଙ୍କୁ ଆକ୍ଷେପ କରି କୌଣସି ଖରାପ ଶବ୍ଦ ବ୍ୟବହାର କରିପାରିବେ ନାହିଁ।

ଏହି ଏସଓପି ଅନୁଯାୟୀ, ଅଙ୍ଗନବାଡ଼ି ହେଉ କି ସ୍କୁଲ, ପିଲାଙ୍କୁ 'ଅଳସୁଆ' କିମ୍ବା 'ଜିଦିଆ' ଭଳି ଶବ୍ଦ କହି ଆକ୍ଷେପ କରିବା କିମ୍ବା ସର୍ବସାଧାରଣରେ ଅପମାନିତ କରିବା ସମ୍ପୂର୍ଣ୍ଣ ବାରଣ କରାଯାଇଛି। ପିଲାଙ୍କ ମନରେ ହୀନମନ୍ୟତା ସୃଷ୍ଟି ହେବା ଭଳି କୌଣସି କଥା କୁହାଯିବ ନାହିଁ। କଠିନ ଡାକ୍ତରୀ କିମ୍ବା କଟୁ ଶବ୍ଦ ବଦଳରେ ପିଲାଙ୍କ ପ୍ରତି ନରମ ଓ ପ୍ରୋତ୍ସାହନଜନକ ଭାଷା ବ୍ୟବହାର କରାଯିବ।

ଯଦି କୌଣସି ପିଲାଙ୍କ ଆଚରଣରେ ଅସ୍ୱାଭାବିକତା, କ୍ରମାଗତ ଉଦାସୀନତା, ଭୟ କିମ୍ବା ହିଂସ୍ର ମନୋଭାବ ଦୁଇ ସପ୍ତାହରୁ ଅଧିକ ସମୟ ଧରି ଲାଗିରହେ, ତେବେ ତାହାକୁ ଚିନ୍ତାଜନକ ବୋଲି ଧରାଯିବ। ଏହାକୁ ଆଧାର କରି ପିଲାଙ୍କ ଆଚରଣକୁ ସବୁଜ, ହଳଦିଆ ଏବଂ ଲାଲ୍ ବର୍ଗରେ ବିଭକ୍ତ କରାଯାଇ ଯତ୍ନ ନିଆଯିବ। ପିଲାଙ୍କ ଉପରୁ ପାଠପଢ଼ା ଓ ପରୀକ୍ଷା ଚାପ ହ୍ରାସ କରିବା ପାଇଁ ଏସଓପିରେ ପରାମର୍ଶ ଦିଆଯାଇଛି ଯେ, ୨୫ ମିନିଟ୍ ପାଠପଢ଼ା ପରେ ୫ ମିନିଟ୍ ବିରତି ଦିଆଯିବ ଏବଂ ଏହି ସମୟରେ ଗଭୀର ଶ୍ୱାସକ୍ରିୟା ଶିଖାଯିବ।

ଅନ୍ୟପକ୍ଷରେ, ବିଶ୍ୱବିଦ୍ୟାଳୟ ସ୍ତରରେ ଘରଠାରୁ ଦୂରରେ ରହିବା, ରାଗିଂ, ଭେଦଭାବ ଏବଂ ନିଶା ସେବନ ଭଳି ଜଟିଳତା ଦୂର କରିବା ପାଇଁ ପ୍ରତ୍ୟେକ ଉଚ୍ଚଶିକ୍ଷା ଅନୁଷ୍ଠାନରେ ଏକ ପୂର୍ଣ୍ଣାଙ୍ଗ 'ମାନସିକ ସ୍ୱାସ୍ଥ୍ୟ ଓ କଲ୍ୟାଣ କେନ୍ଦ୍ର' ପ୍ରତିଷ୍ଠା କରିବାକୁ କୁହାଯାଇଛି। ରାଜ୍ୟ ସରକାରଙ୍କ ‘ଅପରେସନାଲ୍ ଗାଇଡଲାଇନ ଅନ୍ ମେଣ୍ଟାଲ୍ ହେଲଥ୍ ଆଣ୍ଡ ୱେଲ-ବିଙ୍ଗ ଅଫ୍ ଚିଲଡ୍ରେନ୍, ଆଡୋଲେସେଣ୍ଟସ ଆଣ୍ଡ ୟଙ୍ଗ ଆଡଲ୍ଟସ୍’ ରିପୋର୍ଟ ଆଧାରରେ ଏହି ପଦକ୍ଷେପ ନିଆଯାଇଛି।
📲Get App