સુરત મનપા દ્વારા ભેસ્તાનમાં ફેરિયાઓના વજનકાંટા જપ્ત, સ્થાનિકોમાં ભારે રોષ

સુરત મહાનગરપાલિકાના દબાણ વિભાગની કામગીરીને લઈને વધુ એક વિવાદ સામે આવ્યો છે. ભેસ્તાન વિસ્તારમાં મનપાના દબાણ વિભાગ દ્વારા રસ્તા પરથી લારી-ગલ્લા સહિતના ગેરકાયદે દબાણો હટાવવાની ઝુંબેશ હાથ ધરવામાં આવી હતી.

આ કામગીરી દરમિયાન પાલિકાના કર્મચારીઓએ માત્ર દબાણો હટાવવા પૂરતી કામગીરી સીમિત રાખવાને બદલે કેટલાક ફેરિયાઓના રોજગાર ચલાવવા માટે ઉપયોગમાં લેવાતા વજનકાંટા પણ જપ્ત કરી લીધા હતા. આ કાર્યવાહીને લઈને સ્થાનિક સ્તરે ભારે ચર્ચાઓ થઈ રહી છે.

રોજીરોટી છીનવાઈ જવાની આશંકા અને વજનકાંટા ઉંચકી લેવાની કામગીરીને કારણે સ્થાનિક નાગરિકો અને ફેરિયાઓમાં ભારે રોષ વ્યાપી ગયો છે. નાગરિકોએ પાલિકાની આ કડક કાર્યવાહીનો વિરોધ કર્યો છે.