સિંહોના હુમલાથી અમરેલીમાં ત્રણ ગાયનું મૃત્યુ, એક ગાય ગંભીર રીતે ઘાયલ

અમરેલી તાલુકાના નાના માચીયાળા ગામમાં બપોરના સમયે સિંહોના ટોળાએ ગાયો પર હુમલો કર્યો, જેમાં ત્રણ ગાયનું મોત અને એક ગાય ગંભીર રીતે ઘાયલ થઈ.

ભુપતભાઈ ખોડાભાઈ ભરવાડ, માલઢોર સાથે મોટા માચીયાળા ગામની સીમ વિસ્તારમાં ગાયોને ચરાવી રહ્યા હતા, ત્યારે અચાનક સિંહોએ હુમલો કર્યો.

બનાવની જાણ થતાં જ ગામવાસીઓએ વનવિભાગને સૂચિત કર્યું અને સિંહોના આંટાફેરાને લઈને ચિંતા વ્યક્ત કરી.

રેવન્યુ વિસ્તારમાં સિંહોના સતત આંટાફેરા વધતા પશુપાલકો સાવચેતી રાખી રહ્યા છે અને પોતાના માલઢોરને સીમ વિસ્તારમાં ચરાવવા લઈ જતાં પણ સાવચેત રહે છે.