વણઝારા સમાજના પંચ દરબારમાં બે પરિવારોનું સુખદ સમાધાન

શહેરા તાલુકામાં વણઝારા સમાજના પંચોએ ‘પંચ દરબાર’ ભરીને લગ્ન પછીના વિવાદનું સુખદ સમાધાન કર્યું.

સુરેલી અને કવાલી ગામના યુવક-યુવતીએ પોતાની પસંદગીથી લગ્ન કર્યા બાદ બંને પરિવારોમાં મનદુઃખ ઊભું થયું.

સમાજના આગેવાનો અને પંચોની ઉપસ્થિતિમાં ‘પંચ દરબાર’નું આયોજન કરીને બંને પક્ષોની વાત સાંભળી, મતભેદ દૂર કરીને સમાધાન લાવવામાં આવ્યું.

સમાજના આગેવાનોનું કહેવું છે કે નાના-મોટા વિવાદોને પોલીસ કે કોર્ટ સુધી લઈ જવાને બદલે વડીલોની મધ્યસ્થીથી ઉકેલ લાવવાથી સામાજિક એકતા અને ભાઈચારો મજબૂત બને છે.