ଗଛକୁ ପିଟିଲା ବସ୍‌; ଅଳ୍ପକେ ବର୍ତ୍ତିଲେ ୪୦ ଯାତ୍ରୀ

ମୁଖ୍ୟମନ୍ତ୍ରୀ ବସ୍‌ ସେବାରେ ଚାଲୁଥିବା ସରକାରୀ ବସ୍‌ ଦୁର୍ଘଟଣାଗ୍ରସ୍ତ । ଅଳ୍ପକେ ବର୍ତ୍ତିଲେ ୪୦ ଯାତ୍ରୀ । ୪ ଜଣ ଆହତ ହୋଇ ଚିକିତ୍ସା ପାଇଁ ବାଙ୍କୀ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି । ଘଟଣା ଘଟିଛି କଟକ ଜିଲ୍ଲାର ବାଙ୍କୀ ବ୍ଲକରୁ ବ୍ରହ୍ମପୁରା ଅଞ୍ଚଳରେ । ଆଜି ମଧ୍ୟାହ୍ନ ସମୟରେ ବାଙ୍କୀରୁ ପୁଇଁଚା ଗ୍ରାମକୁ ଯାଉଥିବାବେଳେ ଭେଡା ଦୁର୍ଗାପୁର ଶବର ସାହିଠାରେ ଭାରସାମ୍ୟ ହରାଇ ରାସ୍ତାରେ ଏହି ଦୁର୍ଘଟଣା ଘଟିଛି । ବସଟି ଭାରସାମ୍ୟ ହରାଇ ରାସ୍ତା କଡ଼ରେ ଥିବା ଗଛରେ ମାଡ଼ ହୋଇ ଜମି ଭିତରକୁ ପଶିଯାଇଥିଲା ।
ଦୁର୍ଘଟଣା ସମୟରେ ବସରେ ୪୦ଜଣରୁ ଉର୍ଦ୍ଧ ଯାତ୍ରୀ ଥିଲେ। ଚାରି ଜଣ ଯାତ୍ରୀ ଆହତ ହୋଇଛନ୍ତି । ଆହତମାନଙ୍କୁ ବାଙ୍କୀ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଛି ।