જાફરાબાદના વરાહસ્વરૂપ ગામે બાઈકમાં શોર્ટ સર્કિટથી આગ લાગતાં લાખોનું નુકસાન

જાફરાબાદના વરાહસ્વરૂપ ગામે શોર્ટ સર્કિટના કારણે એક બાઈકમાં આગ લાગવાની ઘટના બની હતી. આ આગના કારણે બાઈક સંપૂર્ણપણે બળીને ખાખ થઈ ગયું હતું. બનાવની જાણ થતાં સ્થાનિક લોકોમાં ચિંતા પ્રસરી હતી.

પ્રાપ્ત માહિતી અનુસાર, બચુભાઈ દેવાતભાઈ સિયાણ (ઉં.વ. 43) નામના વ્યક્તિ પોતાનું બાઈક લઈને બાબરકોટથી નોકરી પૂરી કરીને ઘરે આવ્યા હતા. તેમણે પોતાનું બાઈક ઘરની સામે રોડ પર પાર્ક કર્યું હતું.

રાત્રિના સમયે અચાનક બાઈકમાં શોર્ટ સર્કિટ થતાં આગ લાગી હતી. જોતજોતામાં આગે વિકરાળ સ્વરૂપ ધારણ કર્યું હતું અને બાઈકને સંપૂર્ણપણે પોતાની લપેટમાં લીધું હતું. આ ઘટનામાં બાઈક માલિકને અંદાજે રૂ. 35,000 નું નુકસાન થયું હતું.

આ બનાવ અંગે જાફરાબાદ ટાઉન પોલીસ સ્ટેશનમાં જાણ કરવામાં આવી છે. પોલીસ સ્ટેશનના હેડ કોન્સ્ટેબલ રમેશભાઈ બીજલભાઈ સોલંકી આ ઘટનાની વધુ તપાસ કરી રહ્યા છે.