રક્ત દાન કેમ્પ

વિસનગર તાલુકાના કાંસા ગામ સ્થિત અંબાજી માતાના મંદિરે વડાપ્રધાનના જન્મદિવસ નિમિત્તે ધી કાંસા પીપલ્સ કો-ઓપરેટિવ સોસાયટી લિમિટેડ, વિસનગર બ્લડ બેન્ક અને રોટરી ક્લબના સંયુક્ત ઉપક્રમે એક વિશાળ રક્તદાન કેમ્પનું આયોજન કરવામાં આવ્યું હતું. ભાજપ કિસાન મોરચાના રાષ્ટ્રીય મહામંત્રી બાબુભાઈ જેબલિયા, સાંસદ હરિભાઈ પટેલ અને વોલન્ટરી બ્લડ બેન્કના પ્રમુખ રાજુભાઈ પટેલની વિશેષ ઉપસ્થિતિમાં યોજાયેલા આ કેમ્પમાં ગ્રામજનો અને યુવાનોએ ઉત્સાહભેર ભાગ લઈને ૫૦ બોટલ રક્ત એકત્રિત કર્યું હતું. આ પ્રસંગે કાંસા પીપલ્સના ચેરમેન અને ગામના અગ્રણી જશુભાઈ પટેલે તમામ રક્તદાતાઓનો આભાર માન્યો હતો અને ભવિષ્યમાં પણ આવી જ રીતે વધુમાં વધુ રક્ત એકત્રિત કરવાના પ્રયાસો ચાલુ રાખવાની કટિબદ્ધતા દર્શાવી હતી.