ડાભા ચોકડી-ડાભા ગામ માર્ગ પર વાહનોના ગેરકાયદે પાર્કિંગથી વાહનવ્યવહાર ખોરવાયો

ડાભા ચોકડીથી ડાભા ગામને જોડતા મુખ્ય માર્ગ પર વાહનોના ગેરકાયદે પાર્કિંગની સમસ્યા વકરી રહી છે. આ કારણે વાહનચાલકોને ભારે હાલાકીનો સામનો કરવો પડી રહ્યો છે અને ટ્રાફિક જામની સ્થિતિ સર્જાઈ રહી છે.

આ માર્ગ પર અનેક વાહનો, ખાસ કરીને નાના-મોટા વાણિજ્યિક વાહનો, રસ્તાની બંને બાજુએ બેફામ રીતે પાર્ક કરવામાં આવે છે. આ ગેરકાયદે પાર્કિંગને કારણે રસ્તાની પહોળાઈ ઘટી જાય છે, જેના પરિણામે વાહનચાલકોને પસાર થવામાં મુશ્કેલી પડે છે. ખાસ કરીને ભારે વાહનો અને બસ જેવા વાહનોને અવરજવર કરવામાં અતિશય તકલીફ પડે છે.

સ્થાનિક રહેવાસીઓએ આ સમસ્યા અંગે અનેક વખત રજૂઆતો કરી હોવા છતાં કોઈ નક્કર કાર્યવાહી કરવામાં આવી નથી. વાહનચાલકો અને રાહદારીઓની સુરક્ષા પણ જોખમમાં મુકાઈ રહી છે. આ મામલે તાત્કાલિક ધોરણે યોગ્ય પગલાં લેવાય તેવી માંગણી પ્રબળ બની રહી છે.