સુરતમાં પ્રેમસંબંધની અદાવતમાં રત્નકલાકાર પર ચપ્પુ વડે હુમલો

સુરતના વરાછા વિસ્તારમાં પ્રેમસંબંધની અદાવતમાં વધુ એક લોહિયાળ ઘટના સામે આવી છે. વતનની યુવતી સાથે પ્રેમસંબંધ અને વાતચીત કરવા જેવી બાબતની તકરાર રાખીને એક યુવકે રત્નકલાકારને નીચે બોલાવી છાતીના ભાગે ચપ્પુના ઘા ઝીંકી દીધા હતા.

આ દરમિયાન આરોપીના કાકાએ પણ વચ્ચે આવી યુવકને જાનથી મારી નાખવાની ધમકી આપી હતી. ગંભીર રીતે ઘવાયેલા યુવકને સ્મિમેર હોસ્પિટલમાં સારવાર અપાઈ.

વરાછા પોલીસે બંને આરોપીઓ વિરુદ્ધ ગુનો નોંધી વધુ તપાસ હાથ ધરી છે.