સાબરકાંઠા: સરપંચે પોલીસ સ્ટેશનમાં પત્રકારને બિભત્સ ગાળો દઈ જાનથી મારી નાખવાની ધમકી આપી,વીડિયો વાયરલ..

સાબરકાંઠાના-:
ઝહીરાબાદ પોલીસ સ્ટેશનમાં સરપંચ રફીક મેમણ દ્વારા એક પત્રકારને બિભત્સ ગાળો આપી જાનથી મારી નાખવાની ધમકી આપવાનો ગંભીર આક્ષેપ થયો છે.આ ઘટનાનો વીડિયો વાયરલ થતાં ચકચાર મચી ગઈ છે.વીડિયોમાં સ્પષ્ટપણે જોઈ શકાય છે કે સરપંચ રફીક મેમણ પોલીસ સ્ટેશનમાં ઉગ્ર સ્વરૂપ ધારણ કરી રહ્યા છે અને નિર્લજ્જ ગાળાગાળી કરી રહ્યા છે.આ સમગ્ર ઘટના દરમિયાન મહિલા પોલીસ કર્મીઓ સહિત પોલીસ કર્મચારીઓ હાજર હોવા છતાં તેઓ લાચાર બનીને આ તમાશો જોતા રહ્યા હોવાનો આક્ષેપ છે..

આક્ષેપો અનુસાર સરપંચ અને તેના સાગરીતો પોલીસ સ્ટેશનમાં લગભગ એક કલાક સુધી હોબાળો મચાવતા જોવા મળ્યા હતા.પોલીસ સ્ટેશન જેવી સુરક્ષિત જગ્યાએ આટલા લાંબા સમય સુધી આટલો મોટો હંગામો કેવી રીતે ચાલી શક્યો તે એક મોટો પ્રશ્ન ઉભો કરે છે.પત્રકારને જાનથી મારી નાખવાની ધમકી મળ્યાના આક્ષેપોએ સમગ્ર મામલાને વધુ ગંભીર બનાવ્યો છે.આ સમગ્ર ઘટનાક્રમ CCTV કેમેરામાં કેદ થયો હોવાનું જણાય છે.સ્થાનિક લોકો અને પત્રકાર સંગઠનો દ્વારા આ વીડિયો અને CCTV ફૂટેજની નિષ્પક્ષ તપાસ કરીને જવાબદાર લોકો સામે કાયદેસરની કાર્યવાહી કરવામાં આવે તેવી માંગણી કરવામાં આવી રહી છે.