ઇડરમાં રખડતા ઢોર અને ટ્રાફિક સમસ્યા સામે નગરપાલિકાની રાત્રિ ઝુંબેશ: ૫ થી વધુ પશુઓ ઝડપાયા..

સાબરકાંઠાના-:
ઇડર શહેરમાં રખડતા ઢોર અને તેના કારણે સર્જાતી ટ્રાફિક સમસ્યાને નિયંત્રિત કરવા માટે ઇડર નગરપાલિકા દ્વારા એક મહત્વપૂર્ણ પગલું ભરવામાં આવ્યું છે.આ સમસ્યાને ગંભીરતાથી લઈને નગરપાલિકા દ્વારા રાત્રિ દરમિયાન ખાસ ઝુંબેશ શરૂ કરવામાં આવી છે.આ ઝુંબેશ આગામી ૧૦ દિવસ સુધી ચાલશે, જેમાં રસ્તા પર રખડતા પશુઓને પકડવાની કામગીરી કરવામાં આવશે.આ ઝુંબેશના ભાગરૂપે નગરપાલિકાની ટીમ, ચીફ ઓફિસર અને અન્ય પદાધિકારીઓ મોડી રાત્રે રોડ પર ઉતરીને પરિસ્થિતિનું નિરીક્ષણ કર્યું હતું અને પશુઓને પકડવાની કાર્યવાહી હાથ ધરી હતી.પ્રથમ દિવસે જ આ કાર્યવાહી દરમિયાન ૫ થી વધુ રખડતા પશુઓને સફળતાપૂર્વક ઝડપી પાડવામાં આવ્યા હતા..

નગરપાલિકાની આ કાર્યવાહી બાદ દૂધ દોહ્યા બાદ પણ પોતાના પશુઓને રસ્તા પર છોડી દેતા પશુપાલકોમાં ફફડાટ જોવા મળી રહ્યો છે.આ ઝુંબેશનો મુખ્ય ઉદ્દેશ્ય શહેરમાં ટ્રાફિક વ્યવહારને સુગમ બનાવવાનો અને નાગરિકોની સુરક્ષા સુનિશ્ચિત કરવાનો છે.