વંથલીના તૃપ્તિ પેટ્રોલિયમમાં ડે. કલેક્ટર દ્વારા આકસ્મિક તપાસણી

વંથલી: વંથલી તાલુકાના દિલાવરનગર ખાતે આવેલ ઈન્ડિયન ઓઈલના તૃપ્તિ પેટ્રોલિયમ પંપ પર વંથલીના ડેપ્યુટી કલેક્ટર દ્વારા એક આકસ્મિક તપાસણી હાથ ધરવામાં આવી હતી.

આ તપાસ દરમિયાન, પેટ્રોલ અને ડીઝલની ડેન્સિટી, સ્ટોક રજિસ્ટર તેમજ પેટ્રોલિયમ વેચાણને લગતા અન્ય જરૂરી રેકોર્ડ અને માપદંડોની ઝીણવટપૂર્વક ચકાસણી કરવામાં આવી હતી. તપાસ દરમિયાન પેટ્રોલિયમ સંચાલકોને જરૂરી સૂચનાઓ આપવામાં આવી હતી.

સૂત્રો પાસેથી મળતી માહિતી મુજબ, પેટ્રોલિયમ કંપનીને જણાવવામાં આવ્યું છે કે જો સંબંધિત સૂચનાઓનું નિયત સમયમર્યાદામાં પાલન કરવામાં નહીં આવે તો નિયમોનુસાર આગળની કાયદેસરની કાર્યવાહી હાથ ધરવામાં આવશે.