પલસાણા: કરાળા ગામની સરકારી શાળા પાસેથી વિદેશી દારૂનો મોટો જથ્થો ઝડપાયો, એક ઝડપાયો

સુરત જિલ્લાના પલસાણા તાલુકાના કરાળા ગામે સ્ટેટ મોનિટરિંગ સેલ દ્વારા એક મોટી કાર્યવાહી કરવામાં આવી છે. પોલીસને બાતમી મળી હતી કે કરાળા ગામમાં સરકારી પ્રાથમિક શાળા પાસે એક ક્રેટા કારમાં મોટી માત્રામાં વિદેશી દારૂનો જથ્થો લાવવામાં આવ્યો છે.

પોલીસે તાત્કાલિક ઘટના સ્થળે પહોંચીને તપાસ કરતાં કારમાંથી 23.48 લાખ રૂપિયાનો વિદેશી દારૂનો જથ્થો મળી આવ્યો હતો. પોલીસે દારૂનો જથ્થો અને કાર કબજે લીધી છે. આ કાર્યવાહી દરમિયાન પોલીસે 31 વર્ષીય વિકાસ ધનજીભાઈ પરમાર નામના વ્યક્તિની ધરપકડ કરી છે.

પોલીસે ઝડપાયેલા આરોપી વિરુદ્ધ ગુનો નોંધી વધુ તપાસ હાથ ધરી છે. આ દારૂ ક્યાંથી આવ્યો હતો અને ક્યાં લઈ જવાનો હતો તે અંગે પોલીસ પૂછપરછ કરી રહી છે. આ રેડથી દારૂના મોટા નેટવર્કનો પર્દાફાશ થવાની શક્યતા છે.