ରାଜ୍ୟସଭା କ୍ରସ୍ ଭୋଟିଂ ମାମଲା: ଶୁଣାଣିରୁ ଓହରିଲେ ବିଚାରପତି ଆର.କେ. ପଟ୍ଟନାୟକ

କଟକ: ରାଜ୍ୟସଭା ନିର୍ବାଚନରେ ଦଳୀୟ ହ୍ୱିପ୍ ବିରୋଧରେ ଯାଇଥିବା ବିଧାୟକଙ୍କ ସଦସ୍ୟତା ରଦ୍ଦ କରିବାକୁ ହାଇକୋର୍ଟରେ ଆବେଦନ ହୋଇଥିବା ମାମଲା ଏକ ଭିନ୍ନ ମୋଡ଼ ନେଇଛି । ଆବେଦନର ଶୁଶାଣିରୁ ଓହରିଛନ୍ତି ବିଚାରପତି ଆର.କେ ପଟ୍ଟନାୟକ । ହାଇକୋର୍ଟ ଦ୍ୱାରା ଗଠିତ ନୂତନ ଖଣ୍ଡପୀଠ ମାମଲାର ଶୁଣାଣି କରିବେ । ତେବେ ବିଚାରପତି ପଟ୍ଟନାୟକ କାହିଁକି ଓହରିଛନ୍ତି ସେନେଇ କିଛି ସ୍ପଷ୍ଟ ହୋଇନାହିଁ ।

ରାଜ୍ୟସଭା ନିର୍ବାଚନରେ ବିଜେଡ଼ିର ୮ ଜଣ ବିଧାୟକ ସ୍ଵାଧୀନ ପ୍ରାର୍ଥୀ ଦିଲୀପ ରାୟଙ୍କ ସପକ୍ଷରେ ନିଜ ମତ ଦେଇଥିଲେ । ବିଜେଡ଼ି ମୁଖ୍ୟ ସଚେତକ ପ୍ରମିଳା ମଲ୍ଲିକ ସମସ୍ତ ସଦସ୍ୟଙ୍କ ସଭ୍ୟରଦ୍ଦ ପାଇଁ ହାଇକୋର୍ଟରେ ଆବେଦନ କରିଛନ୍ତି । ଅରବିନ୍ଦ ମହାପାତ୍ର, ସୌଭିକ ବିଶ୍ଵାଳ, ସନାତନ ମହାକୁଡ଼, ଦେବୀରଞ୍ଜନ ତ୍ରିପାଠୀ, ସୌଭିକ ବିଶ୍ୱାଳ, ସୁବାଷିନୀ ଜେନା, ରମାକାନ୍ତ ଭୋଇ ଓ ଚକ୍ରମଣି କହଁରଙ୍କୁ ଦଳ ପୂର୍ବରୁ ନିଲମ୍ବିତ କରିସାରିଛି ।