ભરૂચ બી ડિવિઝન પોલીસે એમડી ડ્રગ્સના જથ્થા સાથે બે શખ્સોને ઝડપી પાડ્યા

ભરૂચ શહેરની બી ડિવિઝન પોલીસે જૂની સિવિલ કોર્ટ પારસીવાડ રોડ પરથી એમડી ડ્રગ્સના જથ્થા સાથે બે આરોપીઓને સફળતાપૂર્વક ઝડપી પાડ્યા છે. આ ઘટનાએ શહેરમાં ફરી એકવાર ડ્રગ્સના વેચાણ અને પ્રવૃત્તિઓ પર ચિંતા જગાવી છે.

પોલીસ સૂત્રોના જણાવ્યા અનુસાર, બાતમીના આધારે કાર્યવાહી કરતાં પોલીસે સાહિલ જાકિર મન્સુરી અને સહેજાદ સરફરાજ વેલ્ડીંગવાળા નામના બે ઈસમોને એમડી ડ્રગ્સના જથ્થા સાથે રંગેહાથ ઝડપી પાડ્યા હતા. તેમની પાસેથી મળી આવેલા ડ્રગ્સના જથ્થા અંગે વધુ તપાસ હાથ ધરવામાં આવી રહી છે.

આરોપીઓની ધરપકડ બાદ પોલીસે તેમની પૂછપરછ શરૂ કરી છે. આ ડ્રગ્સ ક્યાંથી લાવવામાં આવ્યા હતા અને કોને સપ્લાય કરવાના હતા તે દિશામાં તપાસ ચાલી રહી છે. પોલીસે વધુ તપાસ હાથ ધરી છે અને આ રેકેટમાં અન્ય કોઈ સામેલ છે કે કેમ તે અંગે પણ તપાસ કરવામાં આવી રહી છે.