રાજ્ય મોનિટરિંગ સેલના અધિકારીએ મેઘરજ પોલીસ સ્ટેશન ખાતે અરજદારોની રજૂઆતો સાંભળી..

આજરોજ રાજ્ય મોનિટરિંગ સેલ, ગાંધીનગરના નાયબ પોલીસ મહાનિરીક્ષક વિશાલકુમાર વાઘેલા દ્વારા મેઘરજ પોલીસ સ્ટેશન ખાતે અરજદારોની ઓનલાઇન વિડીયો કોન્ફરન્સના માધ્યમથી રજૂઆતો સાંભળવામાં આવી હતી.આ મુલાકાતનો મુખ્ય ઉદ્દેશ અરજદારોની અરજીઓના યોગ્ય નિરાકરણ અર્થે જરૂરી કાર્યવાહી કરવાનો હતો.આ પ્રસંગે જિલ્લા પોલીસ અધિક્ષક મનોહરસિંહ જાડેજા તથા નાયબ પોલીસ અધિક્ષક જે.ડી. વાઘેલા પણ ઉપસ્થિત રહ્યા હતા.અધિકારીઓએ અરજદારોની સમસ્યાઓ અને સૂચનોને ધ્યાનપૂર્વક સાંભળીને તેના પર તાત્કાલિક પગલાં લેવા માટે સંબંધિત અધિકારીઓને સૂચનાઓ આપી હતી..

વિડીયો કોન્ફરન્સના માધ્યમથી યોજાયેલી આ બેઠકને કારણે અરજદારોને પોતાના ઘરેથી જ પોતાની રજૂઆતો રજૂ કરવાની સુવિધા મળી હતી, જેનાથી સમય અને નાણાં બંનેની બચત થઈ હતી. રાજ્ય મોનિટરિંગ સેલ દ્વારા નાગરિકોની સમસ્યાઓના ઝડપી અને અસરકારક નિરાકરણ માટે આવા પ્રયાસો કરવામાં આવી રહ્યા છે.