સિયાવાડા ગામમાં મહિલા પર રીંછનો હુમલો, સારવાર હેઠળ

આજ રોજ સિયાવાડા ગામમાં એક દુર્ભાગ્યપૂર્ણ ઘટના બની હતી. ગામના મહેશભાઈ અંગારીના ધર્મપત્ની સવારે તેમના ઘર નજીક હતા ત્યારે અચાનક રીંછે તેમના પર હુમલો કર્યો હતો.

આ હુમલામાં મહિલાને ગંભીર ઈજાઓ પહોંચી હતી. સ્થાનિક લોકો દ્વારા તાત્કાલિક મદદ પહોંચાડવામાં આવી હતી અને તેમને નજીકની દાંતા સિવિલ હોસ્પિટલમાં સારવાર માટે ખસેડવામાં આવ્યા હતા.

વધુ સારવાર અને નિષ્ણાત તબીબોની દેખરેખ હેઠળ રાખવા માટે, મહિલાને દાંતા સિવિલ હોસ્પિટલમાંથી પાલનપુર સિવિલ હોસ્પિટલમાં વધુ સારવાર માટે દાખલ કરવામાં આવ્યા છે. તેમની સ્થિતિ હાલ સ્થિર હોવાનું જાણવા મળ્યું છે.