ધારી વન વિભાગે વગર પરમિશને લાકડાં લઈ જતા ટ્રકને ઝડપી પાડ્યો

ધારી વન વિભાગે ગેરકાયદેસર રીતે લાકડાંનું પરિવહન કરતા એક ટ્રકને ઝડપી પાડ્યો છે. દલખાણીયા રેન્જના આર.એફ.ઓ. રાત્રી પેટ્રોલિંગ પર હતા તે દરમિયાન એક શંકાસ્પદ ટ્રક પસાર થતો જણાયો હતો. વન વિભાગની ટીમે ટ્રકને રોકીને તેની તપાસ કરતા અંદર મોટા પ્રમાણમાં લાકડાં ભરેલા મળી આવ્યા હતા.

વન વિભાગના અધિકારીઓએ ટ્રક ચાલકને લાકડાંના પરિવહન માટેની પરમિટ અંગે પૂછપરછ કરી હતી. જોકે, ટ્રક ચાલક કોઈ સંતોષકારક જવાબ આપી શક્યો નહોતો, જેના પરથી સ્પષ્ટ થયું કે લાકડાંનું પરિવહન ગેરકાયદેસર રીતે થઈ રહ્યું છે.

બિનઅધિકૃત રીતે લાકડાંની હેરાફેરી થતી હોવાનું જણાઈ આવતા, વન વિભાગે ટ્રકને તાત્કાલિક જપ્ત કર્યો છે. આ ઉપરાંત, વન સંબંધી કાયદાની વિવિધ કલમો હેઠળ ગુનો નોંધી આગળની કાયદેસરની કાર્યવાહી હાથ ધરવામાં આવી છે.