અંબાજીમાં 'દિવ્યાંગ સેવા સેતુ' કાર્યક્રમ સંપન્ન: ૬૯૦ દિવ્યાંગજનોને પ્રમાણપત્ર મળ્યા..

અંબાજી ખાતે બનાસકાંઠા જિલ્લા વહીવટી તંત્ર દ્વારા 'દિવ્યાંગ સેવા સેતુ' કાર્યક્રમનું સફળતાપૂર્વક આયોજન અને સંપન્ન કરવામાં આવ્યું. આ કાર્યક્રમનો મુખ્ય ઉદ્દેશ્ય દિવ્યાંગજનોને જરૂરી પ્રમાણપત્રો પૂરા પાડી તેમને સરકારી યોજનાઓનો લાભ મેળવવામાં સરળતા પૂરી પાડવાનો હતો..

આ કાર્યક્રમ અંતર્ગત, અત્યાર સુધીમાં કુલ ૬૯૦ દિવ્યાંગજનોને તેમના દિવ્યાંગતાના પ્રમાણપત્રો એનાયત કરવામાં આવ્યા છે.આ પ્રમાણપત્રો દિવ્યાંગ વ્યક્તિઓને વિવિધ સરકારી યોજનાઓ,સહાય અને સુવિધાઓનો લાભ મેળવવા માટે અત્યંત મહત્વપૂર્ણ છે.જિલ્લા વહીવટી તંત્ર દ્વારા આયોજિત આ પહેલ દિવ્યાંગજનોના સશક્તિકરણ અને સમાવેશી વિકાસ તરફ એક મહત્વપૂર્ણ પગલું ગણી શકાય. પ્રમાણપત્રો મળવાથી તેઓ હવે સરળતાથી સરકારી લાભો મેળવી શકશે અને તેમના જીવનધોરણમાં સુધારો લાવી શકશે.