ଜଲାପୁଟ ଜଳଭଣ୍ଡାରରୁ ପ୍ରଥମ ବନ୍ୟାଜଳ ନିଷ୍କାସନ

କୋରାପୁଟ ଜିଲ୍ଲା ଜଲାପୁଟ ଜଳଭଣ୍ଡାରରୁ ପ୍ରଥମ ବନ୍ୟାଜଳ ନିଷ୍କାସନ । ଚାରି ଦିନ ଲଗାଣ ବର୍ଷା ଫଳରେ ଜଲାପୁଟ ଜଳଭଣ୍ଡାରର ଜଳସ୍ଥର ବିପଦ ସଂକେତକୁ ଛୁଇଁଥିଲା । ତେଣୁ ଆଜି ଦୁଇଟି ଗେଟ ଖୋଲାଯାଇଛି । ଯେଉଁଥିରେ ପ୍ରାୟ ୬ ହଜାର କ୍ୟୁଷେକ ଜଳ ନିଷ୍କାସନ ହୋଇଛି । ଜଳଭଣ୍ଡାର କ୍ଷମତା ୨୭୫୦ ରହିଥିବା ବେଳେ ୨୭୪୭. ୦୫ ଜଳସ୍ତର ଛୁଇଁଛି । ତେଣୁ ଦୁଇଟି ଗେଟ ମାଧ୍ୟମରେ ଜଳ ନିଷ୍କାସନ କରାଯାଉଛି । ତଳିଆ ଆନ୍ଧ୍ର ଏବଂ ଓଡିଶା ସୀମାନ୍ତ ଗ୍ରାମଗୁଡିକକୁ ସତର୍କ ରହିବା ପାଇଁ ଜିଲ୍ଲା ପ୍ରଶାସନ ଏବଂ ପ୍ରକଳ୍ପ ଅଧିକାରୀ ସୂଚନା ଦେଇଛନ୍ତି ।
ଜଲାପୁଟ ଡ୍ୟାମ ଗେଟ ଖୋଲିବା ପରେ ତଳ ଭାଗରେ ରହିଥିବା ମାଛକୁଣ୍ଡ ବିଦ୍ୟୁତ ପ୍ରକଳ୍ପର ଡ଼ି.ଡ୍ୟାମରେ ଜଳସ୍ଥର ବଢ଼ୁଥିବାରୁ ୭ ଏବଂ ୬ ନମ୍ବର ଗେଟକୁ ୮ ଫୁଟ ଖୋଲାଯାଇଛି । ୮ ହଜାର କ୍ୟୁଷେକ ଜଳ ନିଷ୍କାସନ କରାଯାଇ ବାଲିମେଳା ଜଳଭଣ୍ଡାରକୁ ଛଡା ଯାଉଛି ।