તલોદ-મજરા રોડ પર કારની ટક્કરે બાઇક સવાર ગંભીર રીતે ઘાયલ

તલોદ-મજરા રોડ પર આજે એક ગંભીર માર્ગ અકસ્માત સર્જાયો હતો. પ્રાપ્ત માહિતી અનુસાર, એક કાર ચાલકે રોડ પર જોયા વગર બેદરકારીપૂર્વક ટર્ન લેતાં સામેથી આવતી બાઇકને જોરદાર ટક્કર મારી હતી.

આ અકસ્માતના કારણે બાઇક સવાર રોડ પર પટકાયો હતો અને તેને ગંભીર ઇજાઓ પહોંચી હતી. બનાવ સ્થળે હાજર લોકોએ તાત્કાલિક ધોરણે ઇજાગ્રસ્ત બાઇક સવારને સારવાર માટે નજીકની હોસ્પિટલમાં ખસેડ્યો હતો.

અકસ્માતની ઘટના બનતાં જ મોટી સંખ્યામાં લોકો ઘટના સ્થળે એકત્ર થઈ ગયા હતા. આ અકસ્માત અંગે પોલીસે વધુ તપાસ હાથ ધરી છે.