લાઠીદડ આંગણવાડી ખાતે સેવા સંકલ્પના ૨૫ વર્ષ નિમિત્તે કાર્યક્રમ યોજાયો

વડાપ્રધાન શ્રી નરેન્દ્રભાઈ મોદીના સેવા સંકલ્પના ૨૫ વર્ષ પૂર્ણ થવાના અવસરે સેવા સંકલ્પ અભિયાન અંતર્ગત લાઠીદડ ખાતે આંગણવાડી કાર્યક્રમનું આયોજન કરવામાં આવ્યું. આ કાર્યક્રમમાં જિલ્લા પંચાયત પ્રમુખ પાયલબેન માથોળિયા, જિલ્લા ભાજપ મહામંત્રી દીપકભાઈ સાબવા, કોસાધ્યક્ષ રસિકભાઈ ભુંગાણી, કિસાન મોરચા મંત્રી પરસોત્તમભાઈ માથોળિયા, જિલ્લા યુવા મોરચા ઉપપ્રમુખ ઉત્તમભાઈ, મહિલા મોરચા ઉપપ્રમુખ ક્રિષ્ણાબેન પટેલ, તાલુકા પંચાયત ચેરમેન જયંતીભાઈ ચસોતરા, તાલુકા પંચાયતના સભ્ય કલ્પેશભાઈ રાઠોડ, તાલુકા કિસાન મોર્ચના મહામંત્રી હિતેશભાઈ ખંભાળિયા અને પૂર્વ તાલુકા યુવા પ્રમુખ ભરતભાઈ માથોળિયા ઉપસ્થિત રહ્યા હતા.

આ કાર્યક્રમ દરમિયાન, ઉપસ્થિત મહાનુભાવોએ લાઠીદડ આંગણવાડી નંબર ૧ થી ૧૦ ખાતે બાળકો સાથે આનંદભરી પળો વિતાવી હતી. તેમણે બાળકોની શૈક્ષણિક પ્રવૃત્તિઓ અને તેમના પોષણ વ્યવસ્થા અંગે ઊંડાણપૂર્વક જાણકારી મેળવી હતી.

આ પ્રસંગે બાળકોના સર્વાંગી વિકાસ અને તેમને શિક્ષણ તથા આરોગ્યની સુવિધાઓ પૂરી પાડવા માટેના પ્રયાસોની સમીક્ષા કરવામાં આવી. સેવા સંકલ્પ અભિયાનના ભાગરૂપે આયોજિત આ કાર્યક્રમનો મુખ્ય ઉદ્દેશ્ય બાળકોના ઉજ્જવળ ભવિષ્ય માટે નક્કર પગલાં ભરવાનો રહ્યો.