ભરૂચ સાંસદ મનસુખ વસાવાએ વનમંત્રી અર્જુન મોઢવાડિયા પર આદિવાસી સમાજમાં ભાગલા પાડવાનો આરોપ મૂક્યો

નર્મદા અને સુરત જિલ્લામાં જંગલ જમીનના હક તથા આદિવાસી ખેડૂતોના મુદ્દે ચાલી રહેલા વિવાદને લઈને રાજકીય ગરમાવો જોવા મળી રહ્યો છે. આ મુદ્દે ભરૂચના સાંસદ મનસુખ વસાવાએ રાજ્યના વનમંત્રી અર્જુન મોઢવાડિયા સામે ગંભીર આક્ષેપો કર્યા છે.

સાંસદ મનસુખ વસાવાએ વનમંત્રી અર્જુન મોઢવાડિયા પર આદિવાસી સમાજમાં ભાગલા પાડવાનો અને અંગ્રેજોના સમયની 'ભાગલા પાડો અને રાજ કરો'ની નીતિ અપનાવવાનો આરોપ મૂક્યો છે. આ આરોપોને પગલે રાજકારણ તેજ બન્યું છે.

વનમંત્રી અર્જુન મોઢવાડિયાએ આ મામલે સ્પષ્ટતા આપી છે. તેમણે માંડવીના બલેઠી ગામેથી આ અંગે પ્રતિક્રિયા આપી હતી અને પોતાના પર થયેલા આરોપોનો જવાબ આપ્યો હતો.