શાહીબાગ પોલીસે ચેઇન સ્નેચિંગ કરતી ગેંગના બે સભ્યોને મુદ્દામાલ સાથે ઝડપી પાડ્યા

શાહીબાગ પોલીસે ગુનાખોરી ડામવા અને નાગરિકોની સુરક્ષા સુનિશ્ચિત કરવા માટે સતત સક્રિય રહી અસરકારક કામગીરી હાથ ધરી છે. આ પ્રયાસોના ભાગરૂપે, પોલીસે એક મોટી સફળતા મેળવી છે.

પોલીસ સ્ટેશનની સર્વેલન્સ ટીમે બાતમીના આધારે કાર્યવાહી કરતા, રિક્ષામાં મુસાફરોને બેસાડી તેમની નજર ચૂકવી સોનાની ચેઇન સહિતની ચોરી કરતી કુખ્યાત ગેંગના બે સભ્યોને દબોચી લીધા છે. તેમની પાસેથી ચોરીનો મુદ્દામાલ પણ કબજે કરવામાં આવ્યો છે.

આ ઝડતી દરમિયાન પોલીસે ચોરાયેલી સોનાની ચેઇન અને અન્ય કિંમતી મુદ્દામાલ જપ્ત કર્યો છે. આ કાર્યવાહીથી શહેરમાં આવા પ્રકારના ગુનાખોરી કરતા તત્વોમાં ભયનો માહોલ સર્જાયો છે અને નાગરિકોમાં સુરક્ષાની ભાવના વધી છે.