જૂનાગઢમાં ગુજરાત રાજ્ય યોગ બોર્ડ દ્વારા 'સેવા સંકલ્પ' અભિયાન અંતર્ગત યોગ અને ધ્યાન શિબિર યોજાઈ

ગુજરાત રાજ્ય યોગ બોર્ડ દ્વારા જૂનાગઢ ખાતે "સેવા સંકલ્પ" અભિયાન અંતર્ગત એક યોગ અને ધ્યાન શિબિરનું આયોજન કરવામાં આવ્યું હતું. આ શિબિરમાં ઉપસ્થિત રહી નાગરિકોએ યોગાભ્યાસ કર્યો હતો.

આ અભિયાનનો મુખ્ય ઉદ્દેશ્ય લોકોને યોગ અને ધ્યાન પ્રત્યે જાગૃત કરવાનો અને તેના ફાયદાઓ વિશે માહિતગાર કરવાનો હતો. યોગને 'મન અને તનનો મેળ' ગણાવતા આયોજકોએ જણાવ્યું કે તે ખુશહાલ જીવનનો ખરો સંયોગ છે.

શિબિરમાં યોગના વિવિધ આસનો અને ધ્યાન પદ્ધતિઓ શીખવવામાં આવી હતી. નિયમિત યોગાભ્યાસ શરીર, મન અને વિચારોને વિકારોથી મુક્ત કરે છે તેમજ જીવનમાં સકારાત્મક ઉર્જાનો સંચાર કરે છે તેવું જણાવવામાં આવ્યું હતું.