ବାଘୁଆ ନଦୀରେ ଘାଇ; ହେକ୍ଟର ହେକ୍ଟର ଚାଷଜମି ଜଳମଗ୍ନ

ରାଜ୍ୟର ଅନେକ ସ୍ଥାନରେ ଲଗାଣ ବର୍ଷା ଫଳରେ ବନ୍ୟା ପରିସ୍ଥିତି ଉପୁଜିଛି । ତିନିଦିନ ଲଗାଣ ବର୍ଷା ହେବା ଫଳରେ ଶେରଗଡ଼ ବ୍ଲକ ବ୍ରାହ୍ମଣଛାଇ ପାଶ୍ୱରେ ଥିବା ବାଘୁଆ ନଦୀର ହିଡ଼ ଭାଙ୍ଗି ଯାଇ ଘାର ସୃଷ୍ଟି ହୋଇଛି । ଫଳରେ ବନ୍ୟା ଜଳ ବ୍ରାହ୍ମଣଛାଇ, ବୋଲସର, ଟଙ୍କଛାଇ ଭଳି ତଳିଆ ଅଞ୍ଚଳର ଚାଷ ଜମି ଗୁଡ଼ିକ ଜଳମଗ୍ନ ହୋଇଯାଇଛି । ବନ୍ୟାଜଳରେ କେବଳ ଧାନ ଚାଷ ଜମି ପ୍ରଭାବିତ ହୋଇନି ବରଂ ହେକ୍ଟର ହେକ୍ଟର ଜମିରେ ହୋଇଥିବା ପନିପରିବା ଚାଷ ମଧ୍ୟ ପ୍ରଭାବିତ ହୋଇଛି ।
ପଚାଶ ଫୁଟ ଲମ୍ୱର ସୃଷ୍ଟି ହୋଇଥିବା ଘାଇରେ ଅନବରତ ବନ୍ୟା ଜଳ ମାଡ଼ି ଆସୁଛି । ଫଳରେ ଜମିର ପାଣି ନିଷ୍କାସନ ହେବା କଷ୍ଟ ସାଧ୍ୟ ହୋଇପଡ଼ିଛି । ବନ୍ୟା ଜଳରେ ସବୁ ଫସଲ ନଷ୍ଟ ହୋଇଯାଇଥିବାର ଚାଷୀମାନେ ଅଭିଯୋଗ ଆଣିଛନ୍ତି । ଆଉ ଏହାର କ୍ଷତି ପୂରଣ ଦାବି କରିଛନ୍ତି ।