ડભોઈમાં ગણેશ વિસર્જન: હજારો ભક્તોએ કર્યા જયઘોષ

ડભોઈ શહેરમાં શ્રદ્ધા અને ઉલ્લાસભેર વાતાવરણ વચ્ચે ભગવાન શ્રી ગણેશજીની મૂર્તિઓનું વિસર્જન કરવામાં આવ્યું. શહેરના વિવિધ વિસ્તારોમાંથી નીકળેલી શોભાયાત્રાઓમાં હજારો ભક્તો જોડાયા હતા અને 'ગણપતિ બાપ્પા મોરિયા, પુઢે વર્ષે લવકર યા'ના જયઘોષથી વાતાવરણ ગુંજી ઉઠ્યું હતું.

સવારથી જ ગણેશજીની મૂર્તિઓને વિસર્જન સ્થળે લઈ જવાની શરૂઆત થઈ ગઈ હતી. પોલીસ બંદોબસ્ત વચ્ચે શાંતિપૂર્ણ રીતે વિસર્જન સંપન્ન થાય તે માટે વહીવટીતંત્ર દ્વારા તમામ તૈયારીઓ કરવામાં આવી હતી. નગરપાલિકા દ્વારા પણ વિસર્જન માટેની વ્યવસ્થાઓ ગોઠવવામાં આવી હતી.

આ પ્રસંગે અનેક સામાજિક અને ધાર્મિક સંસ્થાઓ દ્વારા પણ શોભાયાત્રાઓનું આયોજન કરવામાં આવ્યું હતું. યુવાનો અને બાળકોમાં ગણેશ વિસર્જનનો અનેરો ઉત્સાહ જોવા મળ્યો હતો. સમગ્ર શહેરમાં ભક્તિમય માહોલ છવાયો હતો.