માંડવી વન દર્પણ ખાતે વન વિભાગના કર્મચારીઓ માટે 'ટ્રાન્ઝિટ હોસ્ટેલ'નું નિર્માણ

વન વિભાગમાં ફરજ બજાવતા કર્મચારીઓ અને અધિકારીઓ માટે એક ખૂબ જ મહત્વપૂર્ણ અને રાહતદાયક સમાચાર સામે આવ્યા છે. વન વિભાગના સ્ટાફની સગવડ માટે ખાસ 'ટ્રાન્ઝિટ હોસ્ટેલ’નું નિર્માણ માંડવી વન દર્પણ ખાતે કરવામાં આવ્યું છે. આ પહેલનો મુખ્ય હેતુ એવા કર્મચારીઓને રહેઠાણની ઉત્તમ સુવિધા પૂરી પાડવાનો છે જેઓ અતિ-દૂર કે અંતરિયાળ જંગલ વિસ્તારોમાં ફરજ અદા કરી રહ્યા છે.

સામાન્ય રીતે વન વિભાગના કર્મચારીઓ લાંબા સમય સુધી વન વિભાગના અંતરિયાળ ક્ષેત્રોમાં રહેતા હોય છે, જેના કારણે તેમને પરિવારથી દૂર રહેવું પડતું હતું. ઘણીવાર કર્મચારીઓના બાળકોના અભ્યાસ તેમજ વૃદ્ધ માતા-પિતા કે મેડિકલ જરૂરિયાતોને ધ્યાનમાં રાખીને પારિવારિક મુશ્કેલીઓ ઊભી થતી હોય છે. આ નવી ટ્રાન્ઝિટ હોસ્ટેલ બનવાથી કર્મચારીઓ પોતાની ફરજની સાથે-સાથે પોતાના પરિવારને પણ યોગ્ય જીવન જીવી શકે તેવી સગવડ મેળવી શકશે.

કર્મચારીઓ જંગલ વિસ્તારમાં ફરજ બજાવતા હોય ત્યારે તેમના બાળકોના નાના પાયે અભ્યાસ બગડે નહીં અને તેમનું ભવિષ્ય સુરક્ષિત રહે તે ખૂબ મોટો પ્રશ્ન હોય છે. આ સમસ્યાને નિવારવા માટે જ આ વૈકલ્પિક વ્યવસ્થા ઊભી કરવામાં આવી છે, જેથી નોકરીની સાથે બાળકોનો અભ્યાસ પણ યોગ્ય રીતે થઈ શકે. આ ટ્રાન્ઝિટ હોસ્ટેલમાં કુલ 8 (આઠ) જેટલા રૂમ્સની સુવિધા ઉપલબ્ધ કરાવવામાં આવી છે.