શેડુભાર ગામે ખેતરમાં મહિલાને સર્પદંશ, અમરેલી સિવિલમાં સારવાર ચાલુ

અમરેલી ગ્રામ્ય વિસ્તારના શેડુભાર ગામે એક મહિલાને સર્પદંશ થવાની ઘટના બની છે. મળતી માહિતી મુજબ, મહિલા ખેતરમાં કામ કરી રહી હતી તે દરમિયાન સાપે ડંખ માર્યો હતો.

ઘટનાની જાણ થતા જ પરિવારજનો દ્વારા તાત્કાલિક 108 ને જાણ કરવામાં આવી હતી. જેના કારણે મહિલાને વધુ સારવાર માટે અમરેલી સિવિલ હોસ્પિટલ ખસેડવામાં આવી છે.

હાલમાં મહિલાની તબિયત સ્થિર હોવાનું જાણવા મળી રહ્યું છે. ચોમાસાની ઋતુમાં સર્પદંશના બનાવો વધતા હોવાથી ખેતરમાં કામ કરતા ખેડૂતોએ સાવચેતી રાખવા અપીલ કરવામાં આવી છે.