કુડસદ ગામના મહાદેવ મંદિરમાં ધોળા દિવસે ચોરી, સીસીટીવીમાં કેદ થયો તસ્કર

સુરત જિલ્લાના ઓલપાડ તાલુકાના કીમ નજીક આવેલા કુડસદ ગામે એક મહાદેવ મંદિરમાં ચોરીની ઘટના સામે આવી છે. ધોળા દિવસે બનેલી આ ઘટનામાં એક અજાણ્યા તસ્કરે મંદિરમાં પ્રવેશ કરી ત્યાંથી ઘંટ, ધાતુનો કળશ અને દાનપેટીમાં રહેલી રોકડ રકમ મળી કુલ રૂ. ૧૬,૩૦૦ ની મત્તા ચોરી લીધી હતી.

મળતી માહિતી અનુસાર, ચોર મંદિરમાં ઘૂસીને આ ચોરીને અંજામ આપી ફરાર થઈ ગયો હતો. આ સમગ્ર ઘટના મંદિર પરિસરમાં લગાવવામાં આવેલા સીસીટીવી કેમેરામાં સ્પષ્ટપણે કેદ થઈ ગઈ છે. સીસીટીવી ફૂટેજમાં ચોર ચોરી કરતો જોઈ શકાય છે.

આ ચોરીની ઘટનાને પગલે સ્થાનિક લોકોમાં રોષ જોવા મળી રહ્યો છે. પોલીસે સીસીટીવી ફૂટેજના આધારે ચોરને ઝડપી પાડવા માટે તપાસ હાથ ધરી છે.