પાલનપુર નજીક કનૈયા ધાબા પાસે આગ લાગતા અફરાતફરી

પાલનપુર શહેર નજીક ગઠામણ પાટિયા પાસે આવેલ કનૈયા ધાબાની બાજુમાં આગ લાગવાની ઘટના બની હતી. આગ લાગવાના કારણે આસપાસના વિસ્તારમાં અફરાતફરી મચી ગઈ હતી.

આગ કયા કારણોસર લાગી તે અંગે હાલ કોઈ સ્પષ્ટ માહિતી મળી નથી, પરંતુ આગે વિકરાળ સ્વરૂપ ધારણ કર્યું હતું. સ્થાનિક લોકોએ તાત્કાલિક ફાયર બ્રિગેડને જાણ કરી હતી.

ઘટના સ્થળે ફાયર બ્રિગેડની ટીમ પહોંચી હતી અને આગને કાબુમાં લેવાના પ્રયાસો હાથ ધર્યા હતા. આગના કારણે થયેલા નુકસાન અંગે હાલ કોઈ આંકડો જાહેર થયો નથી.