ઈડરમાં આશિષ વિદ્યાલયના વિદ્યાર્થીને માર માર્યાનો આરોપ, સિવિલ હોસ્પિટલમાં સારવાર હેઠળ

ઈડર તાલુકાના કેશરપુરા ગામમાં આવેલી આશિષ વિદ્યાલયના ધોરણ ૧૦માં અભ્યાસ કરતા એક વિદ્યાર્થીને શાળામાં માર મારવામાં આવ્યાનો બનાવ સામે આવ્યો છે. આ ઘટના બાદ વિદ્યાર્થીને ઈજાઓ પહોંચતા તેને તાત્કાલિક સારવાર અર્થે ખસેડવામાં આવ્યો હતો.

પ્રાપ્ત માહિતી અનુસાર, વિદ્યાર્થીને ઈડરની સિવિલ હોસ્પિટલમાં દાખલ કરવામાં આવ્યો છે, જ્યાં તેની સારવાર ચાલી રહી છે. શાળામાં વિદ્યાર્થીને માર મારવામાં આવ્યાના આરોપ બાદ સમગ્ર પંથકમાં ચકચાર મચી જવા પામી છે.

આ મામલે વધુ વિગતો બહાર આવી રહી છે અને સ્થાનિક લોકો તેમજ વાલીઓમાં આ ઘટના અંગે રોષ જોવા મળી રહ્યો છે. શાળા સત્તાવાળાઓ દ્વારા આ અંગે કોઈ સ્પષ્ટતા કરવામાં આવી નથી.