વંથલી પોલીસે ભરણ-પોષણ કેસમાં ૨૩૦ દિવસની સજા ભોગવતા આરોપીને ઝડપી પાડ્યો

વંથલી પોલીસની ટીમ દ્વારા એક સફળ કામગીરી પાર પાડવામાં આવી છે. રાજકોટ ફેમિલી કોર્ટ દ્વારા જારી કરાયેલા સજા વોરંટના અનુસંધાને, ભરણ-પોષણ કેસમાં ૨૩૦ દિવસની સાદી કેદની સજા થયેલા આરોપી આઝાદભાઈ ઇબ્રાહીમભાઈ સમાને પોલીસે ઝડપી લીધો છે.

આરોપી છેલ્લા ત્રણ મહિનાથી પોલીસને ચકમો આપી નાસતો ફરતો હતો. વંથલી પોલીસે બાતમીના આધારે તેને શોધી કાઢ્યો અને કાયદેસરની કાર્યવાહી હાથ ધરી.

પોલીસે રાજકોટ ફેમિલી કોર્ટના સજા વોરંટની કાયદેસરની બજવણી કરી છે. હવે આરોપીને નામદાર કોર્ટ સમક્ષ રજૂ કરવાની કાર્યવાહી કરવામાં આવી રહી છે, જેથી તેને સજા ભોગવવી પડે.