ગાંધીનગર: ટ્રાફિક જાગૃતિ અને સુરક્ષા અંગે બેંક કર્મચારીઓ માટે પોલીસ દ્વારા આયોજન..

ગાંધીનગર શહેરના કુડાસણ વિસ્તારમાં આવેલ આઈ.સી.આઈ.સી.બેંકની શાખા ખાતે ગાંધીનગર પોલીસ દ્વારા એક વિશેષ આયોજન કરવામાં આવ્યું હતું.આ કાર્યક્રમનો મુખ્ય ઉદ્દેશ્ય ટ્રાફિક જાગૃતતા અને માર્ગ સલામતી અંગે બેંક કર્મચારીઓમાં જાગૃતિ લાવવાનો હતો..

પોલીસ અધિકારીઓએ બેંકના કર્મચારીઓને ટ્રાફિક નિયમોનું પાલન કરવાના મહત્વ વિશે વિસ્તૃત માહિતી આપી હતી. તેમણે સમજાવ્યું હતું કે કેવી રીતે ટ્રાફિક નિયમોનું પાલન કરીને અકસ્માતોને ટાળી શકાય છે અને પોતાની તથા અન્યની સુરક્ષા સુનિશ્ચિત કરી શકાય છે.આ કાર્યક્રમ દ્વારા પોલીસનો પ્રયાસ હતો કે બેંક કર્મચારીઓ,જેઓ દૈનિક ધોરણે વાહનવ્યવહારનો ઉપયોગ કરે છે,તેઓ ટ્રાફિક નિયમો પ્રત્યે વધુ સજાગ બને અને સુરક્ષિત રીતે વાહન ચલાવે.આ પહેલને બેંક કર્મચારીઓ દ્વારા આવકારવામાં આવી હતી.