ડભાલીમાં ગણેશજીની ભવ્ય શોભાયાત્રા નીકળી, ગળતેશ્વર ખાતે ભવ્ય વિસર્જન સંપન્ન

ડભાલી ગામમાં ગણેશજીના વિસર્જન પર્વ નિમિત્તે ભક્તો દ્વારા ભવ્ય શોભાયાત્રાનું આયોજન કરવામાં આવ્યું હતું. આ શોભાયાત્રામાં મોટી સંખ્યામાં શ્રદ્ધાળુઓ જોડાયા હતા અને ગણેશજીના જયઘોષ સાથે સમગ્ર વાતાવરણ ભક્તિમય બન્યું હતું.

આ શોભાયાત્રા ગામના મુખ્ય માર્ગો પરથી પસાર થઈ હતી, જેમાં dj ના તાલે ભક્તોએ ઉત્સાહભેર ભાગ લીધો હતો અને ગણેશજીની મૂર્તિઓને વિદાય આપી હતી.

અંતે, ગણપતિ બાપ્પાની મૂર્તિઓનું ગળતેશ્વર ખાતે પરંપરાગત રીતે ભવ્ય વિસર્જન કરવામાં આવ્યું. આ પ્રસંગે સ્થાનિક વહીવટીતંત્ર દ્વારા પણ સુરક્ષા અને વ્યવસ્થાની પૂરતી ગોઠવણ કરવામાં આવી હતી.