અમદાવાદમાં મુખ્યમંત્રીની ઉપસ્થિતિમાં સેવા સેતુ કાર્યક્રમ યોજાયો, નાગરિકોને ઘરઆંગણે સરકારી યોજનાઓનો લાભ.

અમદાવાદના શ્રી શ્યામાપ્રસાદ વસાવડા કોમ્યુનિટી હોલ, ખોખરા ખાતે 'સેવા સંકલ્પ અને સમર્પણ અભિયાન' અંતર્ગત દક્ષિણ, પૂર્વ, મધ્ય અને ઉત્તર ઝોનના સંયુક્ત સેવા સેતુ કાર્યક્રમનું આયોજન કરવામાં આવ્યું હતું.આ કાર્યક્રમમાં ગુજરાતના મુખ્યમંત્રી ભૂપેન્દ્ર પટેલ વિશેષ ઉપસ્થિતિમાં ઉપસ્થિત રહ્યા હતા..

આ સેવા સેતુ કાર્યક્રમનો મુખ્ય હેતુ નાગરિકોને વિવિધ સરકારી સેવાઓ અને યોજનાઓનો લાભ તેમના ઘરઆંગણે જ સરળતાથી મળી રહે તે સુનિશ્ચિત કરવાનો છે. આ પહેલ દ્વારા વહીવટી પ્રક્રિયાઓને વધુ સુલભ અને કાર્યક્ષમ બનાવવામાં આવી રહી છે.આ પ્રસંગે અમદાવાદના મેયર હિતેશભાઈ બારોટ, મહાનગર અધ્યક્ષ પ્રેરકભાઈ શાહ,સ્થાનિક સાંસદો,મ્યુનિસિપલ કોર્પોરેશનના અન્ય પદાધિકારીઓ,સંગઠનના હોદ્દેદારો તેમજ મોટી સંખ્યામાં કાર્યકર્તાઓ ઉપસ્થિત રહ્યા હતા. સૌએ મળીને નાગરિકોને પડતી મુશ્કેલીઓનું નિવારણ લાવવા અને યોજનાઓનો લાભ પહોંચાડવા પર ભાર મૂક્યો હતો.